पंधरा वर्षीय मुलगी गर्भवती, आरोपीविरोधात गुन्हा दाखल
पनवेल/ आदिवासी सम्राट :
पंधरा वर्षीय मुलीसोबत शारीरिक संबंध ठेवून ती गर्भवती राहिल्या प्रकरणी दोघांविरोधात २३ ऑक्टोबर रोजी पनवेल तालुका पोलीस ठाण्यात पोक्सो अंतर्गत गुन्हा दाखल करण्यात आला.
पंधरा वर्षीय मुलगी पनवेल तालुक्यातील राहणारी असून मार्च 2022 मध्ये आरोपी करण याने तिच्याशी ओळख केली आणि जंगलात भेटायला बोलावून जबरदस्तीने व मारण्याची धमकी देऊन तिच्यावर बलात्कार केला. तसेच मे आणि जून 2024 दरम्यान आरोपीने या मुली सोबत लग्न करण्याची हमी देऊन ती अल्पवयीन असल्याचे माहित असताना देखील जंगलात नेऊन तिच्यावर बलात्कार केला. पीडित मुलगी गर्भवती राहिल्यानंतर हा सर्व प्रकार उघडकीस आला. याप्रकरणी पोलिसांनी एकाला अटक केली. दुसऱ्या आरोपीचा शोध सुरू आहे.
