राहुल गांधी यांच्या पुढे अटकेचा धोका ?
नवी दिल्ली : नॅशनल हेराल्ड प्रकरणात काँग्रेसचे लोकसभा खासदार राहुल गांधी यांच्या अडचणी वाढू शकतात. जसजशी चौकशी सुरू आहे, तसतसा राहुल यांच्या अटकेचा धोका निर्माण झाला आहे. ईडीच्या विश्वसनीय सूत्रांनी दिलेल्या माहितीनुसार, राहुल गांधी यांच्या तिसऱ्या दिवसाच्या चौकशीदरम्यान अनेक प्रश्नांची पुनरावृत्ती होत आहे. कारण, तपासात एजन्सीला त्यांचे अचूक उत्तर मिळू शकले नाही.
असे सुमारे दहा प्रश्न आहेत ज्यांनी राहुल गांधींना ‘अस्वस्थ’ स्थितीत टाकले आहे. दुसरीकडे बुधवारी राहुल गांधी हजर असताना दिल्ली पोलिसांची कारवाई काहीतरी नवीन घडण्याचे संकेत देत आहे. तिसऱ्या दिवशीच्या सुनावणीच्या दिवशी दिल्ली पोलिसांनी काँग्रेस मुख्यालय आणि इतर मार्गांवर जबरदस्त तटबंदी केली आहे. हरियाणाचे राज्यसभा खासदार दीपेंद्र हुड्डा यांना त्यांच्या निवासस्थानातून बाहेर पडू दिले नाही.
यावेळी त्यांचे शेकडो समर्थकही उपस्थित होते. तसेच इतर अनेक नेत्यांना घेराव घालण्यात आला. ईडीचे माजी अधिकारी म्हणतात, सोनिया गांधी यांची अद्याप चौकशी व्हायची आहे. त्यानंतर काही कागदपत्रांच्या आधारे किंवा न्यायालयाच्या आदेशानुसार राहुल यांना अटक होण्याची शक्यता आहे.
