‘आदिवासी’ वधू – वर सुचक केंद्राची केली स्थापना! समाजातील 45 जमातींना वधू – वर निवडण्यासाठी मिळणार हक्काचं व्यासपीठ

‘आदिवासी’ वधू – वर सुचक केंद्राची केली स्थापना

समाजातील 45 जमातींना वधू – वर निवडण्यासाठी मिळणार हक्काचं व्यासपीठ

आदिवासी समाजातील नोकरदार वर्गांना वधू – सुचक केंद्राचा होणार फायदा

विशेष प्रतिनिधी / संजय चौधरी :
दरवर्षी डिसेंबर ते जानेवारी महिन्यापर्यंत प्रत्येक समाजात लग्न सराईचा कार्यक्रम गावाकडे मोठ्या प्रमाणात होत असतात. माञ, काही समाजामध्ये नोकरी व कामाच्या निमित्ताने शहरी ठिकाणी गेलेल्या कुटुंबाना लग्न सराईत सहभागी होता येत नाही. याचा परिणाम हळूहळू त्यांच्या कुटुंबावर होत असतो. आपल्या कुटुंबात मुले व मुली मोठी होत असतांना त्यांना वर निवडणे, वधू सुचवणे यांचा मिलन होणे अवघड होत असते.

त्यामुळे आदिवासी समाजातील 45 जमातींना वधू- वर योग्य प्रकारे निवडण्यासाठी तसेच त्यांचे शिक्षण पाञतासह करियर संदर्भात माहिती सहज मिळण्यासाठी ‘नाते दोन मनाचे- जोडतो धागे आयुष्याचे’ या उक्तीप्रमाणेच ‘आदिवासी’ वधु – वर सुचक केंद्राची स्थापना रायगड जिल्ह्यातील पनवेल येथे आदिवासी सेवा संघाचे अध्यक्ष गणपत वारगडा यांनी केली आहे.

आदिवासी समाजातील नोकरदार वर्गांच्या कुटुंबाना यांचा मोठा फायदा होणार आहे. कारण, कामानिमित्ताने व शहरी ठिकाणी असलेल्या कुटुंबातील मुले व मुली ह्या मोठ्या प्रमाणात शिकलेल्या असतात. माञ यांचा संबंध गावाकडे क्वचितच येत असल्याने त्यांना आपल्या पाञतेनुसार वधु- वर निवडता येत नाही. त्यामुळे आयुष्याचे पक्के धागे जोडता येत नसल्याने समाजातील अनेक नोकरदार वर्गांनी व्यथा मांडल्या.
याच उद्देशाने समाजामध्ये दोन मनाचे नाते जोडण्यासाठी आदिवासी वधु- वर सुचक केंद्राची स्थापना केल्याने अधिकाधिक वधु- वरांनी नोंदणी करावी, असे आवाहन ‘आदिवासी’ वधु – वर सुचक केंद्राचे संचालक गणपत वारगडा यांनी केले आहे. तसेच नोंदणी केलेल्या वधु- वरांची माहिती गोपनीय ठेवली जाईल असेही सांगितले आहे.
——————————————————